عمرو سعد يوجه رسالة شكر لكل من وقف بجانبه

عمرو سعد يوجه رسالة شكر لكل من وقف بجانبه

عبر صفحته الرسمية على موقع فيس بوك كتب النجم المصري عمرو سعد رسالة الى جمهوره يشكرهم من خلالها على مساندتهم له منذ بداية مشواره الفني ويدين لهم بالفضل الاول لما وصل عليه اليوم داخل الوسط الفني في مصر.

فكتب عمرو قائلا: “من البداية بأحاول اعمل حاجات تعيش ومش مهم عملت قد آية ولكن المهم عملت ايه …. وطول الوقت شايف نفسي وانا في البدايات وحجم الرفض والصعوبات اللي واجهتني كانت صعبة وفِي يوم هاتعرفوا بالتفصيل”.

ثم استكمل قائلا:”علشان كده عمري مانسيت فضل حد ….واهتميت جدا باي حد في بدايته أو لسة بيبني نجوميته علي قد ما قدرت ساعدت ….. لكن في ناس بتنسي الفضل عادي وتنكر عادي جدا”.

وأضاف:”واللي انا عاوز أقوله ان عمرو سعد مش محتاج خالص وساعدت لمجرد ان ده واجبي تجاه الناس اللي اختارتها تشتغل معايا أو حتي اللي انا اشتغلت معاهم ….. وعلي فكرة انا طول الوقت باتعرض لحاجات من دي وطول الوقت ساكت ومش فارقة معايا”.

ثم أكمل رسالته قائلا:”بس دلوقتي قررت أتكلم لان في ناس دائماً كانت بتتطلب التوضيح …وانا عاوز أقول أني بأشتغل بس وما باظهرش كتير في الاعلام أو غيرة وده له ثمن أكيد واخطرها انك لما تنجح ينتسب النجاح لأي شئ تاني ولما تفشل يتنسب الفشل ليك ? بس مش ده المهم”.

وختم رسالته قائلا:

“المهم عندي أني لما اعمل حاجة تكون فيها إتقان وتعيش قدر الإمكان وتلاطم الزمن بكل بلاويه لان مافيش حد بيفتكر مانشيت أو كلام …..الناس بتفتكر العمل نفسة وتحب النجم اللي أسعدهم أو ضحكهم أو أعطي لهم اَي فكرة أو قيمه ….ربنا يقدرنا علي اسعادكم وأمتاعكم و……احترامكم”.

 

جدير بالذكر أن أخر أعمال عمرو السينمائية كانت فيلم “كارما” الذي عرض في موسم عيد الفطر المبارك وشارك في بطولته كلا من زينة،غادة عبد الرازق،مجدي كامل، وكان من اخراج خالد يوسف.