مي كساب تكشف عن تفاصيل ملامح ابنتها فريدة وسبب تسميتها.؟!
صرحت الفنانة المصرية مي كساب بالكثير من التفاصيل عن ابنتها الأولى “فريدة” من زوجها مطرب المهرجانات أوكا، حيث تحدثت عن فترة ما بعد الولادة مباشرة وطريقة تعامل أوكا مع ابنتهما، وعن سبب تسمية ابنتها بفريدة.
وقالت مي عن فترة بعد الولادة مباشرة : “أول أسبوعين بعد الولادة كنت عصبية زيادة عن اللزوم وعياط ومتلخبطة لأني معنديش خبرة، وكانت اي حاجة غريبة بتحصل لها كنت بدخل على النت وبقعد أقرا فيها.. وبعد كده هديت.. الأمومة مش سهلة بس مستهلة”.
مي كساب تكشف عن سبب تسمية ابنتها “فريدة”
وكشفت كساب عن أسباب تسمية ابنتها بهذا الاسم، بقولها: “محمد كان عايز يسميها “حواء” وأنا كنت عايزة أسميها مريم أو ليلي، لكن بابا قال نسميها “فريدة” فخلاص قضي الأمر”، وأكدت مي أن فريدة تشبهها أكتر من والدها أوكا، حيث قالت: “هي عين وحواجب والدها لكن بقي خدودي ومناخيري ودقني وشعري”.
طريقة تعامل أوكا مع ابنتهما
أما بالنسبة لطريقة تعامل زوجها أوكا مع ابنتهما، قالت: “في ناس أوهموه ان في أول مرحلة هتبقى مرتبطة بس بأمها، فكان منفسن جدا ويقولي دي بتحبك أكتر مني دي عارفاكي ومش عارفاني، وهو لازم كل يوم يشيلها ساعتين علشان أعرف أنام.. لأني لا أنام”.
مي كساب تحتفل بعقيقة ابنتها وسط حضور عدد كبير من الفنانين
هذا واحتفلت مي كساب بـ”عقيقة” ابنتها الأولى فريدة وسط حضور بعض الفنانين من الوسط الفني منهم محمد محيي وأمينة وأحمد جمال، ووجهت مي الشكر والتقدير لكل ضيوفها الذين حضروا الاحتفال، ووجهت تحية خاصة للمطرب محمد محي الذي حرص على الحضور.
وكتبت مي عبر صفحتها الشخصية بموقع التواصل الاجتماعي “فيسبوك” قائلة: “قبل ما أنام أو اصحي أو اصحي وأنام مش عارفه انتو عارفين بقي أول كام شهر عاملين إزاي المهم من غير رغي كتير ولو أني هارغي أنا بأشكر كل زملائي وزميلاتي اللي نورونا وشرفونا وسافرو من اكتوبر لمدينتي وتاهو في الطريق عشان يشاركونا اليوم ده”.
مي كساب تشكر محمد محيي على حضوره عقيقة ابنتها
وتابعت: ” بابوس رأس كل حد فيكم بجد نورتونا واليوم أحلو أكتر بيكم عقبال ما نفرح بأولادكم وفريده بتبوسكم الفيديو ده بقي في شخص مش عزيز عليه أنا بس عزيز علي جيل بحاله محمد محيي، يعني كل ذكرياتنا الحلوة يعني الموهبة الفريدة اللي ملهاش مثيل يعني إحساسنا الجميل اللي مهما غاب علينا مكانته محفوره جوه قلوبنا بأغانيه اللي عايشه جوانا ويتمثل أحلى ذكرياتنا وأيام عمرنا شارع الهوى اللي مشينا فيه طول حياتنا بنحبك وبنقدرك أنا وأمينة قعدنا ساعتين نفتكر كل أغانيه الحلوة ونقول لبعض يااااااااه ده محمد محيي يا عالم نورتنا يا أستاذ بنحبك وبنقدرك”.