بالصورة.. ليلى علوي تروي ذكرياتها أول بطولة لها

 

شاركت الفنانة المصرية ليلى علوي جمهورها على صفحتها الشخصية بموقع “انستجرام” حكاية أول بطولة لها، وهو فيلم “البؤساء”.

وتعليقا على الصورة، كتبت ليلى علوي: حكاية أول بطولة.. أول فيلم أقوم ببطولته كان البؤساء.. وكنت مرعوبة وقتها لأني همثل مع عملاقين وهما يوسف وهبي، وفريد شوقي..

وأضافت: اللي رشحني للبطولة وقتها النجمة الكبيرة هدى سلطان، وده بعد ما شافتني في مسرحية “ثماني ستات”، وكانت مبسوطة مني جدًا، ووقتها قررت تعزم مخرج الفيلم عاطف سالم، عشان يجي يشوفني في المسرحية واتبسط جدا ووقتها قرر يسندلي البطولة رغم أني كنت صغيرة ولسه بروح المدرسة.

وقالت ليلى علوي: كانت ناهد فريد شوقي تضطر تجيلي كل اليوم المدرسة عشان تاخدني للتصوير، أصعب حاجة إن أول مشهد كان مع يوسف وهبي، وأكيد كنت خايفة جدا، ومش عارفه هعمل إيه، لكن لقيته نداني وبدأ يتكلم معايا قبل التصوير عشان يحاول يكسر الخوف اللي جوايا وسألني إنتي عندك كام سنة؟ وساكنه فين؟ وفي مدرسة إيه؟.

وكتبت أيضا: لما لقاني مش خايفة منه وبتكلم معاه عادي، قال للمخرج يلا إحنا جاهزين، الفيلم بطولة: يوسف وهبي، عبد الوارث عمر، فريد شوقي، عادل أدهم، محسنة توفيق، فردوس عبد الحميد، نبيل نور الدين، وليلى علوي”.